Usgschlofe, vollgfrässe und frohen Mutes hend mer eus vor de Schüür troffe,
hey… was esch jetzt geschter in Wolhuse alles gnau glofe!
Die erschte Spröch ond Lacher send do jewiils vorprogramiert,
de eint oder ander sech ab ond an halt chli blamiert.
Aber was sells, denn so esch euses Möcke-Läbe ond das esch toll,
ab i d'Schüür, ond hoffentlech werd die höt rechtig voll.
D'Vire düend eus wie emmer ganz härzlech begrüesse,
die Fröndschafte schliesslech sett Johre dued spriesse.
Vell Prominänz hed sech höt i de Schüür igfonde,
Gosler ond Kracher das steigeret natürlech de gwonder.
Rasant hed denn de Obig gstartet a de Bar,
mer Möcke send de bi… das esch doch klar!
Chorz vor de elfi hend mer denn d'Bühni afo rocke,
läck Bobbie… do qualmid eim fascht d'Socke.
Nach getaner Arbeit ist bekanntlich gut ruhn,
doch bis det ähne geds no einiges zu tun.
Quatsche, fiire ond d'Wertschaft rechtig gniesse,
die eint oder ander Glägeheit, das rechtig z'begiesse.
Scho bald werds hell ond so werds ziit för's Näscht,
morn weder a d'Prob… das ged eim de Räscht!
Drom esch es guet hend mer nöchscht Woche mol es freis Wochenänd,
denn schöscht wärid mer scho vor de Fasi met eusne Chräft am Änd.
Sweet Dreams
Euchi Amok-Symphoniker
PS: Härzleche Dank de Virus för nes geils Fäscht ond bis bald a de Fasi!
PS 2: Fotos… ehr wössids joh! :-)
